Tennis

Geskiedenis

Die tennisklub van die Afrikaanse Hoërskool, tóé nog ‘n gemengde skool, is op 4 Mei 1920 gestig. Affies was later ook die eerste Afrikaanse skool wat in die Johannesburg-liga gespeel het.

Prestasies

Affies presteer jaarliks uitstekend in die ligas, veral indien in ag geneem word dat talle spanne in hoër ligas ingeskryf word om soveel as moontlik seuns die geleentheid tot deelname te gee.

Die skool lewer elke jaar verskeie provinsiale spelers op. In 2020 kwalifiseer Enzo Loots en Gunter Lubbe om vir die onder 15 span te speel en Jean Badenhorst en Gustav Hefer vir die onder 19 span.

Geleentheid tot deelname

Die skool skryf jaarliks verskeie senior spanne en junior spanne in die liga in. Alle spelers ontvang ten minste twee keer per week gratis professionele afrigting.

Opponente van die afgelope twee jaar

Outeniqua, Boland Landbou, Paarl Gimnasium, Paarl Boys High, Pretoria Boys High, Grey Kollege, Maritzburg College, Jeppe, Waterkloof, Diamantveld, KES, Westville Boys’ High, Glenwood en Helpmekaar Kollege

Toernooie en toere

Affies ding jaarliks teen die land se sterkste tennisskole by die volgende toernooie mee: Kearsney, Paul Roos, Grey Kollege en Nelspruit. Die skool speel ook in die Pretoria- en Johannesburg-liga.

 

Affies lewer top tennisspelers op

Ryno Seegers het in 1975 die skool se eerste oud-leerling geword wat Springbokkleure verwerf het. Na hom het Deon Joubert, Johan Kriek en Danie Visser gevolg.

In 2012 speel Ruben Alberts in die Afrika-beker, een van slegs twee spelers in die land. Zahndré de Kock word as nommer 1-speler in Suid-Afrika se o/17-span opgeneem wat teen ‘n Skotse junior span gespeel het.

In 2014 word Ruben Alberts uitgenooi om saam met die Davisbekerspan te oefen en Cornelius Rall word vir die SA Skolespan gekies. Affies se eerste span wen die Grey-toernooi, asook die Kearsney-toernooi.

In 2015, 2016 en 2017 haal  Christiaan Worst die nasionale span.