Hokkie

Geskiedenis

Affies het vir die eerste keer in 1994 op ‘n georganiseerde basis hokkie aangebied. Sedertdien het die skool homself as een van Suid-Afrka se voorste hokkieskole bewys.

Geleentheid tot deelname

Affies akkommodeer jaarliks ongeveer 200 spelers in die o/14A – F, o/15A, o/16A – F en senior spanne 1 – 6. Ons afrigters word bygestaan deur spelers wat tans hokkie op hoë vlak speel. Dit verseker dat Affies se hokkie in voeling bly met nuwe verwikkelinge in die spel.

Opponente van die afgelope twee jaar

Affies se A-spanne neem nie deel in die Pretoria A-liga nie.  Dit word gedoen ten einde meer bepalings in te pas teen Westville, Paarl Gimnasium, Menlopark, Garsfontein, Waterkloof, St Alban’s College, Jeppe, KES, Maritzburg College en Grey Kollege.  Daar word egter wel deelgeneem aan die nuutgestigte Noord-Gauteng bekerkompetisie. 

Die B, C, D, E en F-spanne ding wel mee in die Pretoria-ligas.  

Toernooie en toere

Affies is sedert 2012 `n permanente lid van die Founders Festival. Dit bring mee dat die o/19A, o/16A en die o/14A spanne aan jaarlikse toernooie teen Northwood (Durban), Paul Roos Gimnasium, (Stellenbosch) Kearsney College (Durban), Potchefstroom Boys High, Dale College (King Williamstown), Rondebosch en SACS (beide Kaapstad) blootgestel word.

In 2020 het die o/19A, o/19B, o/16A, o/16B, o/15A o/14A en o/14B aan verskeie toere deelgeneem. Die o/19A’s het aan die Brian Hibbert Beker in Port Elizabeth deelgeneem terwyl die o/19B, o/16B, o/15A, en o/14B spanne in die Keith Fairweather Festival in Kwazulu-Natal deelegeneem het.  

Fasiliteite

Die skool beskik oor ‘n grasbaan en deel ‘n Astro-sintetiese baan met die Afrikaanse Hoër Meisieskool. Affies het ook ‘n nuwe mini-astro in 2017 in gebruik geneem, waarop vaardighede ingeoefen word.

Nuwe verwikkelinge

1.)   o/15A-span gestig in 2020.

2.)   AHS het amptelike doelwagter en ‘dragflicking’ afrigters aangestel vir die seuns wat hierdie belangrike vaardighede moet ontwikkel.

3.)   Nuwe telbord met ‘n videotoring bo-aan.

4.)   Nuwe kondisioneringsprogram vir die o19A, o16A en o14A spanne.

5.)   Volledige video-analise vir die o19A, o16A en o14A spanne.