Richardt Beineke, gr. 11, en Ricardo Rebelo, gr. 10, het van 19 – 21 Maart op uitnodiging aan die Nasionale Ope Water Kampioenskap in Jeffreysbaai deelgeneem. Richardt het 4de geëindig in die 7,5 km en Ricardo het ‘n 3de plek in die 5 km bekleë.
Christiaan Maas, gr. 12, het op Vrydag 19 Februarie die SA Amateur Gholf-Kampioenskap gewen.
Die kwalifiserende rondtes het op 14 en 15 Feb. plaasgevind. Daarna het die toernooi begin met die top 64 spelers wat teen mekaar meegeding het in putjiespel (matchplay) formaat. Christiaan speel in die finaal teen Christopher Dyer van Engeland.
Die finaal was oor 36 putjies op die Royal Johannesburg & Kensington Gholfbaan se East Course gespeel.
Die laaste Affie-speler wat hierdie gesogde titel kon verower het was George Coetzee in 2005.
Dewald Brevis, gr. 12, is Sondag by die SA o/19-krieketspan ingesluit. Hierdie jong span gaan binnekort teen gekombineerde senior provinsiale spanne meeding. Ons hou sy loopbaan met groot verwagting dop.
Mnr. Jaco Koch, afrigter van die Witbulle, is onlangs deur die BBRU as die voorspelerafrigter van die 2020 Blou Bulle o/21-span aangewys. Ons wens hom alle sterkte toe!