Die A-swemspan het die eerste plek op die podium by die Hillcrest-swembad ingeneem nadat hulle die Pretoria A-interhoër oortuigend gewen het.
‘n Klein Affie-skare het die manne in die water aangespoor, en ‘n swaar reënbui het die verrigtinge onderbreek, maar die byeenkoms kon egter voltooi word.
Johannesburg A-bond Interhoër
Baie geluk aan die swemspan, wat ook in Johannesburg as die wenners wegstap.
Johandré Pienaar (gr. 12) en Hencu Lamberts (gr. 11) is vanjaar albei in die Atletiek Suid-Afrika span ingesluit.
Hierdie span het van 27 April tot 3 Mei aan die Confederation of African Athletics se Afrika-Kampioenskap in Lusaka, Zambië gaan deelneem.
Johandré Pienaar wen die goue medalje in spiesgooi met ‘n poging van 66,12 m.
Hencu Lamberts wen ‘n brons medalje met ‘n afstand van 53,98 m met die diskus. Hy wen ook die goue medalje in gewigstoot met ‘n magtige poging van 20,13 m.
Die A-swemspan het Maandag, 13 Februarie, aan die Pretoria A-interhoër by die Hillcrest-swembad deelgeneem.
‘n Klein bende ondersteuners op die pawiljoen het die manne aangespoor. Die o/16-aflosspan het ‘n byeenkomsrekord verbeter om uiteindelik te verseker dat die eerste plek met Die Hoërskool Menlopark te gedeel word.
Op Dinsdag, 14 Februarie, het Affies as die gasheerskool vir die Pretoria B-interhoër opgetree. Die gala is weer by die Hillcrest-swembad aangebied. Baie geluk aan die B-span, wat by hierdie geleentheid as die wenners uitstaan.
Die eerste span en A-spanne het oor 29 April tot 1 Mei aan die Wildeklawer-rugbytoernooi in Kimberley deelgeneem. Hulle speel teen Oakdale Landbouskool van Riversdale in die Wes-Kaap, en Glenwood High School van Durban.